Nu Kemba Teu Daek Wakca

Ku Juni Effendi

Padahal mah dina resepsi harita teh, urang teu kedah tepang sakantenan. Enya, padahal harita teh deuih salira ulah neuteup cara kitu bari jeung nenggorkeun imut.

Bet naha atuh kuring ge kalah malik neuteup, tuluy sarua pada-pada nenggorkeun imut? Geuning ti harita salira kalah teras nyampeurkeun, ngasongkeun leungeun ngajak kenalan. Fendi, cenah. Naha deuih atuh kuring harita bet kalah nampanan? Malah make silitukeuran nomer handphone sagala?

Ti basa tepung di nu hajat harita tea, bet kuring kalah kaganggu ku jirim salira nu teu weleh kumolebat ngalangkangan. Peuting-peuting, geuning SMS kalah disada meuraykeun lamunan.

"Wljng wengi. Damang? Nj naon?"

Sanajan pondok, neumbragna kana hate mah geuning karasa mani sakitu rohakana. Nyeblak-nyaksrakna ge mani kabina-bina. Tangtos, wengi-wengi sapertos kitu, salira teh teu acan kulem. Sami, sapertos abdi, nu kalah teras sesah mondok. Naha sami salira ge nuju emut ka abdi, sapertos abdi nu kasiksa ku jirim salira nu teras kokolebatan taya sudana?

Emh. Panginten salira teras ngintunkeun SMS. Manakitu ge, salira nuju emut ka abdi. Sageuy teu kitu onaman. Da geuning eta SMS bangun nu palayeun diwaleran. Mangga, tangtos ku abdi diwaler ayeuna keneh.

"Alhamdulillah. Samulihna? Nembe bd mondok."

Hayang nyaho, naha SMS naon deui baris dikirimkeun ti manehna. Sok kalah tuluy nguntun kahayang, salira teras ngintunkeun deui SMS minangka ebrehan sono. Tah, upama enya kitu, rek diwalonan ku SMS nu biasa-biasa bae. Maksud teh ulah katembong teuing mun kuring ge sarua misonona. Enya bae, SMS ti salira teh geuning sumping deui.

"Geuning wengi2 kieu teu acan kulem? Di dieu mah hujan mani ngecrek ty raatna."

Tah geuning, SMS-na bangun nu hayang ngajak papanjangan ngawangkong dina SMS. Kumaha atuh ngawalonanana? Enya, upama mindahkeun jejer wangkongan kana hujan mah, da di dieu ge sarua hujan ti sore keneh mani taya reureuhna. Sok kalah ka tumaninah ngumbar jirim manehna dina mangsa hujan ngaririncik cara ayeuna. Tapi meureun taya kecap sono mun dipindahkeun jejer wangkongan kana hujan mah. Enya, kumaha atuh nya ngawalonan SMS-na? Lahlahan kuring ngirimkeun deui SMS.

"Sami. Naha palih dinya teu acan kulem?"

Kalah kuring nu eleh wowotan. Geus kajudi deui naon piwaloneun nu bakal dikirimkeun ku manehna kana SMS. Pastina ge, "Sesah mondok. Emut wae ka palih dinya."

Ari heg, "Duka. Numawi teu bae reup. Emut ka nu tadi tepang di nu hajat tea. Ah, ketang nu dipiemutna mah biheung teuing nj emuteun."

Tuh geuning! Da jeung enyana, manehna nu ngajalanan ngawangkong beuki jauh. Ku kuring dibalesan deui bari henteu neueul pisan kana kasono nu sarua pada-pada ruhay hurung. Kitu bae, manehna ge antukna mah ukur ngirimkeun SMS sabudeureun silitanya ngeunaan pribadi, naon karesep kuring, lelengohan keneh atawa geus boga ceungceuman, atawa ngajak tepung di hiji tempat dina hiji mangsa.

Ti harita, saban peuting teh sok dipapaes ku SMS asih jeung sono. Najan henteu kudu silibalakakeun, da sageuy ari hate mah kudu pada-pada mondah mun di papada kuring jeung manehna keur kaeunteupan rasa nu sarua: asih jeung sono. Dalah eta SMS teh tara peuting bae, pabeubeurang ge sok aya kalana tepi ka tilu kali manehna ngirimkeun SMS.

"Nj di mana?" cenah. Atawa, "Nj naon?". Sakapeung sok enya bangun nu ngahaja semu-semu nu hayangeun tepung, "Nj di mana? Angkat k mana bae? Nj nyalse teu?"

Kungsi ketang tepung sabada silikirimkeun SMS. Ngadon makan siang. Tapi da taya carita nanaon, atawa sugan ebrehan tina tumpukan sora asih jeung sono sakumaha nu sok ditalatahkeun dina SMS. Henteu. Tepung teh estu tepung bari ngadon balakecrakan di hiji rumah makan nu kacida tiis tingtrimna.

"Tuangeun naon nu pangdipikaresepna ku Nenden?" pokna kalah nanya ka lebah dinya. Tapi teuteupna karasa linduk.

Dijawab bae ku kuring sakur kadaharan keresep kuring.

"Etah mani aya ku sami kaseneng teh. Ari leueuteunana naon bae nu dipikaseneng ku Yeyen?" pokna deui dina teuteup nu keukeuh linduk.

Dijawab deui ku kuring sakur inumeun nu pangdipikaresepna ku kuring.

"Tuh mani aya ku sami deuih kana leueuteun ge," tembalna.

Ti dinya brasna kana obrolona ngaler-ngidul. Meh sagala ditataan sakur pangaresep. Ti dinya bras kana hal pagawean. Bras deui kana pemilihan presiden di Amerika. Dibandingkeun jeung pemilihan umum di Indonesia nu sok diembohan ku riributan. Lebah riributan dina pemilu cenah taya bedana jeung lebah riributan dina maen bal.

"Akang mah yakin maen bal di Indonesia dugi ka iraha bae ge moal majeng-majeng," cenah bari angger neuteup induk ka kuring, "Tuda lintang ti penongtonna nu teu daek diatur teh, pamaen katut ofisialna ge sok over acting. Leuheung mun sarae maenna."

Teu, basa makan siang harita tea, estuning henteu aya obrolan nu ngaharib-harib kana rasa asih atawa rasa sono sakumaha nu sok diebrehkeun dina SMS-na. Saenyana hayang pisan kuring teh diajak kana wangkongan nu deukeut-deukeut silibukakeun hate. Tuluy pada-pada silitanya, naha kuring leah nampa manehna atawa manehna daek rumangkep ka kuring. Teu, perkara nu eta mah lapur henteu kakedalkeun pisan.

Ninggang di kuring, da sidik kapan pangawak awewe, sarta umur nu beuki ngahaeub nyedek ka umur dua puluh dalapan. Atawa saluhureun tilu taun ti manehna. Enya lebah umur teh kolot kuring batan manehna. Boa enya, perkara umur nu jadi bahan pertimbangan naon sababna manehna henteu bae muka wangkongan ka lebah rusiah hate di papada kuring jeung manehna. Da bawirasa, asa henteu kudu ragab henteu kudu rea kakagok, kari betus balaka, naha urang bisa tinekanan kauntun tipung tug tepi kana wangunan hiji rumah tangga.

***

Meh sataun diganggayong ku kaayaan kawas kitu. Kuring jeung manehna pada-pada kemba. Iwal anteng dina rasa asih jeung sono nu pada-pada dikedalkeun dina SMS. Tepi ka antukna datang lalaki sejen nu ngahaja ngadeukeutan kuring. Mun kudu jujur mah, ieu hate teu pati merean kudu milu palid kana rangkulan asih eta lalaki anyar pinanggih. Tapi nu dianti-anti betus balaka mah geuning teu bae wakca.

Bet ieu umur terus bae meuntas ti dua puluh dalapan. Putusan antukna nyedek ka kuring. Najan henteu pati merean, taya deui alesan pikeun numbu-numbu waktu sina kadalon-dalon. Kuring kudu milih. Tuluy panceg ngawangun jengglengan rumah tangga. Najan enya, lain jeung manehna.

***

Fendi, isukan kuring nyanghareupan poe pangantenan. Tuh itu kapan baju pangantenna. Duka kudu bungah duku kudu peurih. Kuring sorangan teu mampuh ngajawabna. Nu sidik mah, kalangkang manehna, teu weleh kokolebatan ngalangkangan.

Padahal mah enya, dina resepsi harita teh, urang teu kedah tepang sakantenan. Enya, padahal mah deuih harita teh salira ulah neuteup cara kitu bari jeung nenggorkeun imut.

Bet naha atuh kuring ge kalah malik neuteup, tuluy sarua pada-pada nenggorkeun imut? Geuning ti harita salira kalah teras nyampeurkeun, ngasongkeun leungeun ngajak kenalan. Naha deuih atuh kuring harita bet kalah nampanan? Malah make silitukeuran nomer handphone sagala? Yeuh, kapan ieu handphone teu weleh dikeukeuweuk sugan aya iber raratan ti manehna.

"Fendi, kumaha atuh wartosna?"

****

Cimata Indung

Ku Komalawati. S

Bari angkaribung ku babawaan, gagancangan kuring leumpang mapay galengan, ninggalkeun lembur. Di hareupeun warung Ceu Enok, kuring eureun bari ngecagkeun dua jingjingan. Gek diuk dina bangku panjang paragi dariuk nu ngaradon ngopi bari nyegat mobil elep atawa beus.

"Na... asa suwung kieu, ieu teh, Ceu?" cekeng bari top nyokot bala-bala haneut hiji, tuluy dihuapkeun. Biasana tabuh sakitu, di warung Ceu Enok sok pinuh ku nu barang beuli utamana nu rek nyaba, sok ngadon ngopi heula cara kuring ayeuna, bari nyegat mobil.
"Tadi... Kang Karna jeung Mang Amud, ngaropi. Rek nyaraba ka Bekasi. Cenah aya pagawean. Dulurna nu ngumbara di ditu, rek ngadegkeun deui imah. Karek bieu pisan naek beus.
"Oooh...! Ceu, nyungkeun cai!"

Ceu Enok ngasongkeun gelas balingbing eusi cienteh panas. Saeutik-saeutik, kuring ngaregot. Tuluy nyokot goreng ketan. Am, disamualkeun. Untung teu meleg, da ketanna leutik. Lapar, atuda ti imah can sempet sasarap. Rurusuhan, bisi tinggaleun beus. Ari tepi ka jalan gede, beuteung karasa lapar. Antukna, ngetem heula di warung ieu. Kabita ningali bala-bala jeung ketan.

"Rek ka mana ari Nyai Ipah?" Ceu Enok nelek-nelek kuring nu dangdan beda ti sasari. Sanajan anyar balik ti Saudi, panampilan kuring teu kawas TKW nu lian. Sakapeung sok marahiwal, sagala dipasangkeun. Make pakean nu moronyoy jeung hurung ku papaesan. Oge wedak jeung lipensetip nu kandel. Kuring mah basajan we da tadina ge ti lembur, teu hayang ningalikeun boga duit, malah kalah ngabibita bangsat.
"Eu... ka... Cianjur, Ceu!"
"Ka saha?" Ceu Enok kerung.
"Ka..." luk, kuring tungkul. Sok sieun pajarkeun rek nepungan popotongan. "Hayang tepung jeung budak, Ceu."
"Ooooh... enya, kakara inget budak Nyi Ipah teh di Cianjur. Geus badag meureun budak teh?"
"Genep taunan, Ceu."
"Ari Wawan, geus boga deui pamajikan?"
"Haaar...ari Ceu Enok na teu terang? Pan abdi diserenkeun teh alatan Kang Wawan kawin deui ka nu sejen! Batur sapagaweanna di pabrik sapatu."
"Ku nurustunjung ari lalaki!"

Kuring nyerengeh, sanajan hate nyeredet. Ras inget, waktu Kang Wawan kawin deui tanpa sakanyaho kuring. Nyeri hate teh lain bobohongan. Kuring menta diserahkeun. Teu sudi didua. Teu suka dipangwayuhkeun. Hate dirarajet matak begang awak. Leuwih hade kuring hirup sorangan tibatan jadi nu kolot bari teu kungsi dicukupan pangabutuh. Harita Kang Wawan daek nyerenkeun asal make sarat, budak kudu milu ka manehna, dibawa ka Cianjur, lemburna. Tadina kuring teu narima, tapi sanggeus pihak kulawarga kuring jeung Kang Wawan badami, yen budak tetep rek cicing jeung bapana, tapi kuring bebas nepungan ka Cianjur. Jangji kulawargana, budak ge bakal mindeng dianjangkeun ka Panamur, lembur kuring, supaya bisa panggih jeung kuring, tur silaturahmi bisa manjang. Mudah-mudahan. Ku kituna mah kaharti. Leuwih hade budak nu datang ka Panamur, da ari kudu kuring nu ka Cianjur mah, euh...pimanaeun ongkosna. Ongkos ka Cianjur teh pan mahal, kudu buburuh tandur heula sababaraha minggu.

Najan rada medenghel, ahirna kuring ngelehan. Dua bulan ti harita, kuring didaftarkeun ka sponsor nu aya di Malangbong, jadi calon TKW, bari guling diri. Malah mun fit, kolot kuring ditinggalan kana sajutana. Kuring kabita. Sanggeus di Jakarta cicing di PT, kuring dinyatakeun fit. Teu lila, kuring ngapung ka Saudi. Saenyana, kuring bari mapalerkeun kakuciwa, ngubaran kapeurih hate nu geus dirarajet ku Kang Wawan.

Karasa, aya cai dina kongkolak panon kuring.

"Nyi Ipah!" Ceu Enok ngagebah lamunan kuring bari katingali carinakdak. Meureun ngarasakeun kapeurih hate kuring.
"Nyi Ipah ngora keneh. Panjang keneh lalakon. Jaba geulis, tangtuna rea lalaki nu miharep!" Ceu Enok kawas nu ngupahan.
"Saha atuh Ceu, lalaki nu miharep abdi? Abdi saukur rangda ti kampung, anak jalma malarat."
"Tong kitu, Nyi Ipah!" Ceu Enok diuk gigireun kuring, "Ayeuna Nyi Ipah geus beda jeung baheula. Nyi Ipah geus bisa ngadegkeun imah kolot sakitu agrengna. Nyi Ipah geus ngabagjakeun nu jadi kolot. Bagja!"
"Tapi kabagjaan kulawarga di lembur can sampurna, Ceu, lamun budak masih keneh jeung bapana."
"Aeh... apan Nyai teh lain rek ka Cianjur?" Ceu Enok ngagareuwahkeun. "Jung atuh, bisi kaburu beurang. Ku Euceu didu'akeun, sing salamet di jalan!"
"Euleuh... enya, Ceu Enok!" kuring geuwat nangtung bari ngodok saku calana lepis, ngaluarkeun duit rebuan dua lambar urut ngopi bala-bala jeung ketan. Bakating anteng ngobrol jeung Ceu Enok bari nyawang mangsa ka tukang nu pikasediheun, poho kuring keur ngadagoan beus nu bakal mawa ka Cianjur. Apan kuring teh hayang geura panggih jeung beubeulahan hate kuring.

Reg, beus Merdeka jurusan Banjar Jakarta, eureun hareupeun warung. Kuring naek. Babawaan anu loba, dikana bahasikeun ku kondektur.

***

Salila di perjalanan, kuring nyipta-nyipta bakal panggih jeung Abang, buah hate kuring. Harita waktu dibawa ka Cianjur, umur budak teh opat taun. Keur meujeuhna capetang sagala dicaritakeun. Keur meujeuhna barang dahar, sagala sedep. Mangsana kembang buruan.

Kumaha rupa budak ayeuna sanggeus ditinggalkeun dua taun ka Saudi? Keur leutik mah Abang teh awakna lintuh pikaresepeun. Kulitna hideung santen, tapi katingali manis. Lamun nyerengeh, katembong aya kempot dina pipina. Lucu budak teh, pikageugeuteun, pikanineungeun. Emh, barina ge saha atuh jalmana anu teu nyaah ka anak? Sato wae nyaah, komo manusa....

Beus eureun di Cipatat. Nurunkeun panumpang, tuluy nyemprung deui. Ret kana arloji, satengah sawelas. Wayah kieu mah, bangunna Abang geus mulang ti sakolana. Pan geus sakola ayeuna mah, geus kelas hiji. Didu'akeun Ucu ku indung. Sing tepi ka jucung sakola teh, tong kawas indung hidep nu ngan saukur bisa di lembur jauh ka bedug. Ucu mah sing bisa ngahontal naon nu dicita-citakeun. Peupeuriheun indung nu teu tamat SD-SD acan da teu kawaragadan. Antukna, ukur bisa jadi TKW, jadi bujang di nagara deungeun. Taya pilihan deui.

Beungeut budak ngolebat deui. Beungeut dua taun katukang. Manis, lucu, alewoh tur pikaresepeun. Beurat kuring teh ninggalkeun budak. Ngan kapaksa ingkah, bakating ku kabelit ku pangabutuh. Enya ge cicing di kampung, tapi kuring katut kolot teu boga sawah kawas batur. Beas tangtuna kudu meuli. Kadua kolot kuring kuli ka batur, purah macul, ngarambet, tandur jeung naon we sagawe-gawe, pikeun bisa nedunan eusi peujit. Bari angger teu cumpon, da kudu sagala dibeuli sanajan cengek oge. Loba pepelakan di buruan batur sabangsaning kaperluan nyambel jeung lalab, tapi maenya ari kudu barangpenta wae mah.

Lian ti hayang nyugemakeun nu jadi kolot, nekad indit ka Saudi seja mapalerkeun bangbaluh hate. Seja mopohokeun kanyeri jeung kapeurih alatan dihianatan ku Kang Wawan.

Alhamdulillah, mulang ti Saudi, kuring bisa meuli tanah jeung ngadegkeun imah. Imah nu tiheula, nu bilik, panggung tur leutik dirobah jadi kandang domba. Jero imah oge dieusian ku rupa-rupa parabot nu anyar meuli ti mebel di Malangbong. Korsi, lomari, risbang, tipi jeung sabangsana. Teu, kuring teu hayang balik deui ka Kang Wawan. Kuring ngarasa reugreug ningali kolot bungah. Ngan hanjakal, aya nu kurang dina hate. Buah hate kuring teu aya di dieu, nyicingan imah nu bisa disebut sigrong, ngadiukan korsi anyar, sare dina risbang nomer hiji, lalajo tipi dua puluh hiji inci nu cekas.

Ah, Abang....

Umurna geus genep taun. Jadi ras inget genep taun katukang. Ngandung tepi ka brolna, hirup teh mani werit pisan. Seuseut seuat, dahar isuk sore henteu lain bobohongan. Kang Wawan teu aya gawe, geus meh satengah taun di-PHK ti tempat gawena, pabrik tekstil di Racaekek, bari tanpa pesangon. Kahayang teh aya gadag. Keun sual milu ngaheurinan imah butut kolot kuring mah, teu nanaon. Tapi, cing atuh gawe naon we sagawe-gawe. Tapi da, lebeng we. Ancrub ka sawah, teu daek. Dititah ngarit sakali-kali ge, kaleked. Atawa milu ngaduk atuh ka nu keur ngadegkeun imah. Di lembur ge sok pirajeuneun aya nu ngajak nyaba ka dayeuh jadi kuli bangunan, tapi gideung jeung gideug we. Cape cenah gawe kitu mah. Abong urang kota, pipilih kana pakasaban. Padahal sanajan manehna boga ijazah SMP ge, can karuhan kabeh pabrik nu aya di Bandung, daek narima.

Waktu Abang gubrag ka dunya, tada teuing sedihna. Teu boga perenel-perenel acan. Orok beureum dibungkus ku samping kebat butut. Eta oge nginjeum ti paraji. Hadena aya nu haat mere sarigen rupa-rupa pakean orok ti mimiti baju, popok, gurita jeung nu lianna. Sanajan urut, geus taya warnaan baris mindeng diseuseuh, tapi ku kuring disuhun dina embun-embunan. Nu mere ngaran budak teh sabenerna mah lain kuring atawa bapana. Tapi Bu Yati, tatangga di lembur nu kacida bageurna. Nyeumpal orok ge tepi ka saratus rewu. Karunyaeun meureun ningali kaayaan kuring nu rudin tur prihatin ka orok. Ukuran di lembur mah kacida gedena. Bu Yati mah jalma ngarti. Atudan pensiunan guru SD. Cenah baheulana sakola di SPG. Hebat, bagja pisan. Tanda kaasih, Bu Yati mere ngaran anak kuring sakitu alusna, tapi weleh kuring teu nyaho hartina. Bangkit Andika Putra, ngan nenehna Abang. Saur Bu Yati, orok teh lahirna ping 20 Mei, bareng jeung mepeling hari Kebangkitan Nasional. Ari dina sirah kuring, ngaran budak nu geus disiapkeun teh iwal Mulyana, Nurdin, Sulaeman atawa Solihin we. Teu aya deui.

***

"Teh botolna... teh botolna... teh botolna... nu dingin...."
"Mocina Ibu... asli Sukabumi...."
"Tauco, tauco, tauco...."
"Gehu, gehu, gehu...."
"Sayang anak, sayang anak...."
"Jeruk, jeruk, jeruk asli Pontianak. Mirah geura... mangga diraosan heula...."
"Assalamu'alaikum, Bapak Ibu punten sakedap ngaganggu...."

Song-song, ngabagi panumpang amplop hiji sewang.

"Selamat siang!" jreng jreng... "Mobil butut... kaluaran baheula...."

Ceuli asa bonge. Teu puguh dedengean. Nyung nyeng, reang... Matak racleng tai ceuli. Kahayang mah, beus teh tong kudu eureun di pasar Ciranjang. Kagok, sakeudeung deui ge tepi ka Cianjur.

Kuring ngageberan beungeut nu pinuh ku kesang, ku kipas meunang meuli tadi ti nu ngasong di parapatan tol Cileunyi. Awak karasa bayeungyang. Tuluy ngodok tina tas dina lahunan, botol aqua urut nu ti imah meunang ngeusian ku ciherang tina kendi. Regot nginum. Seger, waktu cai ngabaseuhan tikoro nu garing.

Teu kungsi lila, beus ngageuleuyeung. Hate kekejotan teu kuat hayang panggih jeung Abang. Kacipta atohna budak nempo kuring angkaribung ku babawaan. Aya mobil remot, meulina ge nitip ka Bu Yati waktu anjeunna nyokot pensiun ka Garut kota. Aya playstation katut kaset-kasetna. Eta ge meulina nitip ka Jang Dedi, putra Pa Lebe nu kuliah di Bandung tur nyahoeun tempat meuli barang elektronik nu murah. Lain kuring hayang gagayaan, abong balik ti nagara deungeun, mere cocooan nu marahal. Di Panamur ge teu aya nu ngaboaan cocooan nu mahal cara kitu. Bubuhan ngobrol jeung batur sarua bujang di Saudi, nu sarua boga budak sapantar kuring. Mobil remot jeung playstation cocooan budak ayeuna di kota mah cenah. Atuh kuring ge hayang nyugemakeun nu jadi anak. Maenya we balik ti Saudi, ukur mere cocooan momobilan tina kulit jeruk. Teu usum!

Minggu kamarina ge, kuring ka pasar Lewo, meuli pakean Abang sababaraha setel. Teu poho, kantong jeung sapatu bari dikira-kira nomerna da puguh teu nyaho. Tada teuing bungahna budak teh. jabaning Ema mahanan rupa-rupa kadaharan ti mimiti pais lauk, sambel oncom, goreng ulen, opak ketan, kiripik sampeu, ladu, jeung wajit olahan Ema sapeupeuting. Hayang ngabagjakeun incu nu jauh, nu ngan hiji-hijina. Peupeuriheun, salila dua taun kuring di Saudi, Kang Wawan teu kungsi datang ka Panamur sakumaha jangjina baheula. Kolot kuring ge ngarasa boga hak, hayang panggih jeung incu. Sabenerna mulang ti Saudi teh geus aya dua mingguna, tapi ku cape... ngadon ngahenang-ngahening we bari ngamandoran nu barang gawe waktu ngadegkeun imah, bari neuteup balong meunang meuli kuring. Lain teu inget ka budak. Ingetna mah nataku, ngan nunggu waktu nu salse.

"Ma, ari Abang apal keneh kituh ka abdi?" tanya kuring waktu karek datang.
"Tangtu we atuh, Ipah. Maenya ka indung poho!"
"Pedah we harita budak teh leutik keneh."
"Leutik teuing henteu. Umur opat taun mah geus inget ieuh... da geus hideng...."
"Ari poto Ipah aya kituh di Cianjur? Bisi Abang hayang ningali rupa abdi."
"Duka teuing atuh, Pah. Maenya we... tapi sigana mah aya. Najan Wawan mah da moal ngampihan. Paling, di urut mitoha maneh mah jigana aya!"

Kuring ngarenjag. Beus geus aya di terminal Rawabango. Gura-giru kuring turun, tuluy kondektur nurunkeun babawaan tina bahasi. Ti jalan gede, kuring naek angkot nu ka Cikidang-keun.

Reg, angkot ngarandeg di sisi jalan. Kuring can waka ngalengkah, anggur nangtung bari nyipta-nyipta budak. Kacipta budak ayeuna keur ulin di buruan jeung batur sapantarna.

Kuring keketeyepan nyampeurkeun Abang nu keur nukang. Rek dipeungpeun panonna.

"Ieu saha?" tanya kuring.
"Nini."
"Sanes."
"Ua Iyam?"
"Sanes!"
"Bi Tati!"
"Sanes!"
"Sanes!"
"Ceu Iroh?"
"Sanes!"
"Teh Neni nya?"
"Salah sadayana. Nu leres... ieu Ibu."
"Ibu?" Budak siga nu heran. "Ibu saha?"
"Ibu...Abang!" cekeng.
"Bohong!"
"Leres!"
"Pan Ibu Abang mah teu aya. Nyaba tebih ka ditu... ka Arab!"

Hate ngageuri, sedih.

"Tingali geura..." kuring ngaleupaskeun peungpeunan tuluy malikkeun awak budak. Celengok, tarang budak dicium.
"Ieu Ibu, Abang!"
"Ibuuu!" budak ngagabrug. Ku kuring diusapan. Deudeuh teuing anaking...

Kuring muka panon. Emh, na... lamunan teh. mani teu sabar ari kuring, kapan ayeuna ge bakal panggih jeung Abang?

Atuda, geus kaimpi-impi wae budak teh, katembong wae dina kongkolak panon....

Kuring muru imah kolot Kang Wawan. Bejana, Abang mindeng ulukutek di dinya. Sanggeus uluk salam, kuring diuk dina korsi tengah imah. Kolot Kang Wawan duanana aya, teu aya riuk-riuk atoh kadatangan kuring. Kitu oge lanceuk jeung adi Kang Wawan nu nyampak di dinya, jajauheun ka someah ngabageakeun semah nu jauh bari urut dahuan. Ieu mah, kurawed haseum... bari dulak-delek. Kuring nyoba sabar. Keun da niat kuring ka dieu soteh hayang panggih jeung budak.

"Kahayang teh budak mah tong kudu diteteang!" urut mitoha lalaki muka carita. Kuring ngusap dada.
"Barina ge di dieu mah budak teh kacida kajaminna. Jaba Nunung mah geten...." urut mitoha awewe ngagulkeun pamajikan Kang Wawan.
"Dupi Abang... ayeuna mana?" kuring nyalenggorkeun obrolan.

Teu aya nu nembal.

"Assalamu'alaikum..." aya sora budak lalaki, uluk salam. Tuluy panto muka. Kuring cengkat. Budak lintuh, make pakean bola. Surungah-serengeh ka nu di jero imah, tapi ngadadak baeud waktu ningali kuring.
"Abang...." kuring nangtung. Dua leungeun dikahareupkeun, ngadago budak nyampeurkeun. Teu kuat hayang ngagabrug. Tapi ningali pasemon nu boga imah...
"Eta culik nya?" Abang mencrong ka kuring bari siga nu sieun.
"Sanes, kasep. Ieu Ibu. Ibu Ujang. Yap ka dieu bageur..."
"Alim! Eta mah culik! Abang ge terang! Eta nu aya dina poto!" budak ngagorowok.
"Abang...." kuring nginghak.
"Saur Apa, nu dina poto teh culik!"
"Sanes!"
"Meunggeus!" indung Kang Wawan nyentak tarik. "Geus puguh budak teh sieun!"
"Culik... culik... sieun culik...." budak murungkut. Kuring maksakeun nyampeurkeun. Ari berebet teh, budak lumpat kaluar bari gogorowokan, culik culikan.

Hate ngajerit. Gustiii... ku harianeun ari Kang Wawan. Kuring teh indungna, indung nu kungsi ngandung salila salapan bulan. Deudeuh teuing anaking... ieu indung.

Hate ngalaketey, bari terus nginghak.

***

CARA MENGATASI RUNDLL32 YANG EROR

Rundll32.exe merupakan program internal Windows yang digunakan untuk menjalankan program internal lain sebagai DLL (dynamic link libraries), yang diperlukan oleh Windows maupun program-aplikasi agar bisa berfungsi. Program-program aplikasi sangat tergantung keberadaan file DLL, yang akan diletakkan di dalam memori untuk kemudian memicu fungsi tertentu dari modul DLL yang bersangkutan.

Ketika file Rundll32.exe bermasalah maka muncul pesan ini :

“Windows cannot find C:\Windows\System32\Rundll32.exe.

Make sure you typed the name correctly and try again”

Mengapa pesan-error Rundll32.exe muncul ?

Pesan Error  Rundll32.exe akan muncul :

Sebagai tanggapan kegagalan Windows mengakses suatu program/file dimana file-DLL  program tersebut rusak/hilang.

Sebagai respons terhadap adanya malware/virus (yang menyamar sebagai) “rundll32.exe” , yang sengaja dirancang untuk terlihat seperti sebuah processes Windows yang normal.

Karena telah terjadi proses install yang tidak sempurna, atau uninstall yang tidak bersih/tuntas, yang menyebabkan system  crash.

Saat instalasi sistem operasi Windows (xp), file Rundll32.exe dibuat (diletakkan) di dua tempat (folder path), yaitu :

1. C:\windows\system32 , dan

2. C:\windows\system32\dllcache

Keberadaan file di dua tempat ini cukup “menguntungkan” bila terjadi error (lost/corrupt) pada Rundll32.exe. Dikarenakan kerusakan yang sering terjadi adalah error pada file yang ada di path/folder (1), maka kita bisa menyalin file yang sama dari path/folder (2) untuk kemudian dipaste di path/folder (1).

Tetapi dalam kasus error/kerusakan yang disebabkan oleh malware (baca bagian - Infeksi malware) maka file yang ada di path (2) pun biasanya juga mengalami kerusakan, ini sering ditandai dengan computer tidak bisa di matikan/shutdown, delete saja file Rundll32.exe yang sudah terinfeksi. Apabila hal ini yang terjadi, maka kita perlu meng-copynya langsung dari cd-installer windows.

Cara memperbaikinya :

Yang harus dilakukan pertama kali adalah melakukan virus-scan menggunakan antivirus yang baik dan update (saya biasa menggunakan AVG). Hal ini untuk memastikan ada - tidaknya infeksi malware didalam computer.

Selanjutnya bisa dilakukan hal-hal berikut :

Copy file dari folder-cache

1. Bila ternyata tidak ditemukan infeksi virus, atau dengan kata lain memang file Rundll32.exe nya rusak, cobalah mencari (duplikat) file Rundll32.exe di dalam folder C:\Windows\system32\dllcache.  Jika masih ada, silakan copy dan paste ke lokasi C:\Windows\system32.
2. Lalu Restart computer, dan bila semua berjalan normal, berarti masalah teratasi.

Jika yang terjadi tidak seperti yang diharapkan, maka perlu meng-copy file tersebut dari “sumber aslinya” yaitu CD-Installer Windows, caranya :

Copy file menggunakan software ekstraktor

1. Masukkan CD-installer Windows (saya ambil contoh windows XP 3 black edition yg biasa saya pakai) sambil menekan tombol Shift (agar autorun-cd tidak aktif).
2. Cari file ini :\I386\RUNDLL32.EX_  di drive CD \ DVD-RAM Drive anda (lihat screenshot gambar-1 dibawah).
3. File tersebut adalah Rundll32.exe versi-terkompresi (perhatikan perbedaan extensi-nya), sehingga untuk menggunakannya harus di-ekstrak terlebih dahulu. Untuk melakukan ekstraksi bisa menggunakan software kompresi misalnya Winzip, Winrar, IZarc dll. Dalam contoh ini saya menggunakan software winrar.
4. Klik-kanan file RUNDLL32.EX_ buka dengan winrar, lalu ekstrak ke address-pathnya : C:\Windows\System32
5. Klik [OK].

klik untuk memperbesar

Keluarkan cd, dan restart komputer. Semoga semuanya kembali normal.

Dan jika anda tidak mempunyai CD windows, caranya kita main aja ke teman kita yg punya komputer, atau bisa juga ke Warnet ,. Lalu kita copy aja file Rundll32.exe tersebut yang biasanya berada di C:\windows\system32 ke flashdisk anda (tentu saja dengan mengutamakan keamanan-scan flashdisk dengan antivirus terlebih dahulu).

Semoga trik ini bermanfaat bagi anda...


Update 27 September 2012

Dikarenakan postingan ini cukup menarik (sering diakses para netter), maka kali ini saya menyediakan link download file Rundll32.rar (file tinggal diekstrak dengan winrar dll).

Dan ini dia file yg dimaksud : Download Rundll32

Ingat!!! file diekstrak di C:\windows\system32

Terimakasih kepada pengunjung blog yang sudah mampir disini dan salam bloger untuk anda semuanya.

Recycle Bin Terhapus ??!!

          Apa  ya  yang  harus  dilakukan jika

Icon  Recycle  Bin  di  Desktop  terhapus ??
Itulah  dulu  yang  pernah  terjadi  dengan
saya,   tanpa   sengaja  Icon  Recycle  Bin
terhapus.  Untuk  mencari  solusinya saya
bertanya  kesana  kemari, tapi  tidak ada
jawaban  yang  memuaskan  saya,  bahkan
beberapa kali saya coba browsing di google
tapi jawabannya sama saja si "Recycle Bin"
tetap tak bisa muncul di desktop. 

          Memang  banyak  cara yang ditawar-
kan di beberapa  website,  tapi semua  trik
tersebut   tidak    berhasil    memunculkan 
kembali si recycle Bin tersebut (untuk diketahui OS yang saya pakai Windows XP
SP 3). Lalu saya coba lagi membuka beberapa website yang lain, tetapi semuanya
hanya "COPAS" saja alias copy paste.

          Dan  akhirnya  saya  coba  "mengobrak - abrik"  isi  CD  Windows (XP SP 3)

hingga  akhirnya  ketemu  deh  yang  saya  cari-cari  (tidak  akan saya ceritakan

bagaimana  prosesnya,  terlalu  panjang  dan bertele-tele), nama filenya "Recycle

Bin.ink".

          Nah bagi anda yang mengalami  hal seperti  saya diatas,  Download aja nih

filenya :

          Download Recycle Bin Gratis

      

          Demikianlah postingan kali ini dan semoga berguna bagi sobat semuanya.

Free Midi Barat

Kali ini kembali saya akan membagikan beberapa koleksi midi Barat/Mancanegara

Namun sebelumnya mohon agar menjadi perhatian !!!! File midi boleh anda download dengan satu syarat !! bahwa semua isi konten didalamnya hanya untuk koleksi pribadi, "Dilarang Keras" mempergunakan untuk kepentingan Komersial.

Untuk Playernya (VanBasco's Player) bisa anda dapatkan disini

Yang mau download midinya silahkan

Koeksi Midi Barat/Mancanegara

Aya Carita di Terminal

Ku Dian Ratnaningsih

Ti sanggeus narima beja yen indung gering, kuring teu genah hate. Sabenerna mah mun harita bisa hiber jigana geus hayang ngawang-ngawang ngabelesat ka lembur tapi dalah dikumaha kaayaan teu merean. Komo kitu harita di sakola keur meujeuhna loba pagawean, katambah deuih Si Cikal keur ngahareupan USBN, asa teu tega ninggalkeunana oge.

"Kumaha, Bu janten teu ka lembur teh?" cek salaki, bari melong ka kuring.
"Kumaha tauh, Pa...?" walon teh, ret ka salaki bangun anu hayang manggih kakuatan.
"Har ari Ibu, sok araraneh atuh, kieu bae cek Bapa mah jig bae Ibu jeung Eneng ka lembur keun Aa mah dihareupan ku Bapa, pan poe saptu kabeneran saur Ibu teu aya jam ngajar, jadi ka lembur teh bisa jumaah pabeubeurang ngadagoan Eneng ti sakola, kumaha...?" tembal salaki, kawas nu apal kana kaayaan hate kuring harita.

Sakedapan kuring ngahuleng, kawas nu nimbang-nimbang pamadegan salaki, "Leres atuh kitu bae, pami Bapa ngawidian mah."

"Nya pek geura beberes pakean Eneng anu kira-kira diperlukeun mah, tong poho bawaeun keur ka Mamih, lah ketang eta mah leuwih apal Ibu." Tembalna, bari leos bae manehna mah ka luar.

Peutingna kuring beberes keur bawaeun ka lembur pangpangna mah baju budak keur salin da di lembur teh kira-kira rek dua peutingeun. Teu pati loba babawaan teh, ukur kantong baju jeung dus nu eusina gorengan katambah apel beureum eta oge ukur sakilo satengah keur Mimih pedah cenah diabetes, kuring kungsi maca apel beureum bisa jadi ubar keur panyakit diabet. Ketang ari Mimih mah tara ieuh ngarep-ngarep babawaan tapi ku geus bisa panggihna oge sok katingali marahmay, komo kitu apan kanyaah kolot mah asa moal bisa kagantian komo ukur ku sakilo satengah apel mah.

"Naon deui babawaan teh, Bu?" cek salaki, bari gog nagog hareupeun kuring nu keur nutupkeun seleting kantong.
"Ah, mung sakieu." tembal teh bari cengkat.
"Keun ku Bapa urang talian dusna, cikan Aa pangnyandakkeun rapia dina laci meja tukang!" cek salaki, bari ngareret ka Si Cikal nu keur lalangkarakan bari maca buku.
"Mah, engke pami sareng Ua Oni salam tempel kanggo Aa kitu," ceuk Si Cikal bari song ngasongkeun rapia ka bapana.
"Moal ah, moal diwartoskeun ka Uana oge yey," tembal Si Bungsu, mari terus nyumput tukangeun kuring.
"Ih..., Eneng mah licik, apan Aa mah moal ngiring, muhun lah engke ku Mamah diwartoskeun ka Ua Oni." tembal teh.

Barudak jarempe, tapi keukeuh bae masih keneh silih jebian.

Bada jumaah nu geus dibadamikeun, kuring jeung Si Bungsu geus anjeucleu dina beus DAMRI jurusan Bandung-Kuningan. Alhamdulillah teu pati lila ngetemna, ukur dua puluh menitan oge geus ka luar ti terminal, ongkoh geus pinuh penumpangna oge. Poe nu kacida panasna teu matak pugag lalampahan wuwuhan dina beus teh genaheun teu karasa hareudang, eta bae kakara tepi ka Jatinangor Si Bungsu mah geus kerek sirahna ngagoloyoh na lahunan kuring ari sukuna ngalonjor. Sigana mah budak teh capeeun balik sakola langsung dahar terus mangkat deui, asa diayun-ayun sigana teh.

Lila-lila mah kuring oge lelenggutan sakadang pitunduheun mimiti tingkuniang, ngan bae asa teu tenang rek reup teh malaur budak tigejut kana beusi tatahanan korsi. Antukna mata teh dibelel-belelkeun sina tetep molotot, untung tadi Si Bungsu mekel sukro, lumayan tamba nungdutan.

Lebah jalan cagak Majalengka-Cirebon mobil teh eureun sabab aya sababaraha pulisi anu keur ngawal lajuna rombongan bupati jeung stafna, apanan teu beunang aya nu ngahalangan estuning jalan teh kudu ngabulungbung. Teu wudu lila oge nungguan teh.

"Mah, tos dugi?" cek budak anu harita kakara nyaring, sigana mah kagandengan ku serine.
"Teu acan, tebih keneh." walon teh bari ngusap tarang budak nu renung ku kesang.
"Macet, Mah...?" kituna teh bari nangtung na jok terus nempoan jalan.
"Eneng lapar...?" kuring neuteup budak nu keur nangtung.
"Muhun, hoyong roti ah...," tembalna bari ngalieuk ka kuring. Kuring gura-giru muka kantong terus nyokot roti, song dibikeun ka budak.

Teu lila ti harita beus teh geleser deui maju mimitina mah lalaunan terus ngagancangan. Kuring ngareret kana jam nu aya hareupeun supir euleuh geus satengah tilu, mudah-mudahan teu sore teuing nepi ka terminal Cirendang teh, sabab ti dinya kudu naek angkot deui anu ka jurusan jalan Pramuka.

"Bu, Angsulanana nu tadi, mana karcisna?" cek kenek.
"Mangga, ieu..." walon kuring bari song mikeun karcis. Tadi teu kaburu di pulangan lantaran can aya receh.

Jatiwangi jeung Bongas geus liwat, kitu deui Kedawung jeung Plered. Beus teh teu liwat terminal Cirebon tapi laju ka jalan tol, lumayan rada gancang tepina ka daerah beber teh. Ti dinya nyemprung ka terminal Cirendang.

Jam satengah genep kuring tepi ka Cirendang jrut turun, tapi teu gancang naek angkot sabab Si Bungsu hayang ka cai heula. Harita di terminal geus rada sepi maklum kudu dibawa asup da moal lila ieuh. Gusti dasar keur tiis diri barang ka luar ti WC geuning geus euweuh dus teh, sakedapan kuring olohok terus kokotetengan neangan dus bisi poho neundeun tapi sisid hareupeun panto.

"Punten Bapa manawi ningali dus di dieu?" cek kuring ka saurang lalaki anu keur nagog teu pati jauh ti WC.
"Henteu, Ibu nuduh ka kuring...?" tembalna tipupuncereng.
"Eh, aduh ampun paralun teuing teu maksad kitu, nanging...," teu kebat kuring teh rada ngarengkor ningali pangawakan anu gede tur perenges sarta sorot panonna anu beureum bangun nu keur teler. Hate beuki ratug basa manehna ngadeukeutan bari melong, Si Bungsu tipepereket nyumput tukangeun kuring, tapi kuring nyoba neger-neger maneh sangkan tong kaciri sieun ku manehna.
"Punten atuh, Pa." cek kuring.
"Aya naon ieu, Gani...?" cek hiji sora ti tukangeun kuring. Barang direret teh, "Komara... ieu teh Komara... leres Komara...?" cek kuring melong eta lalaki.

Nu dipelong sakedapan ngahuleng, terus neuteup kuring bangun nyidik-nyidik. Ret ka luhur ret deui ka handap terus nyureng "Ke...ke...saha tea nya...Asih...bener...Asih...Kinasih," walonna semu nu asa-asa.

"Leres Kinasih, aduh Komara... ieu teh?" kuring ngayakinkeun.

Najan ayeuna geus aya nu robah tapi kuring teu kapalingan ku sorot panonna, sorot panon anu seukeut tapi kiwari bangun anu ngemu hiji rusiah.

Manehna unggeuk terus melong ka Si Bungsu, aya cimata nu meh rag-rag, gog nagog panonna terus neuteup Si Bungsu. Budak beuki murungkut lantaran teu kenaleun, ret ka kuring rada tanggah.

"Asih, ieu saha? Pastina batina jeung Heri nya...?" walonna, bari noel pipi Si Bungsu.
"His..., lain jeung Heri eta mah masa lalu atuh, ke...ke asa teu pantes ngobrol hareupeun WC..." cek kuring.
"Aeh kelanan, ari tadi ku naon bet parea-rea omong jeung Gani?" ceuk Komara, bari nunjuk ka Gani.
"Nya eta kurang ajar Si Ibu bet nuduh ka kuring maok dus babawaanana pedah kuring aya di deukeut panto WC." tembal Gani poporongos.
"Bener kitu, Sih...?" tembal Komara ngareret ka kuring.
"Ah, teu nuduh ngan naroskeun." cek kuring.

Sakedapan Komara ngahuleng terus metot leungeun Gani dibawa rada anggang ti kuring, teuing ngomong naon da teu pati jelas gandeng ku sora mobil, ngan nu kaciri ku kuring mah. Komara bangun nu ambek, teu lila Gani ngaleos.

"Kumaha atuh Sih, dus tea... oleh-oleh sigana mah." ceuk Komara.
"Lah...lain milik meureun, Komara kenal jeung lalaki tadi?" tembal teh, bari melong ka nu ngaleos.
"Oh, kenah...kenal..., biasa jalma keur mabok sigana mah, aeh Sih... cenah di Bandung nya, ka urang mana atuh ari lain jeung Heri mah?" cek Komara.
"Muhun di Bandung, ari bapana budak mah urang Ciamis, panggih harita keur kuliah bae, tapi lain ti UPI baheula mah IKIP ketang, kumaha wartosna Nanih, Mar?" tembal kuring.

Nu ditanya ukur mesem bari ngulinkeun roko.

"Nanih, Nanih mah damang, sabaraha taun nya teu pendak, terahir basa reuni di Palutungan taun 1993, Asih mah tos senang nya... ari Komara kieu bae... geuning," kituna teh bari luk tungkul nyumputkeun paromanna.

Komara teh sobat kuring keur di SMA. Ketang lain ukur Komara tapi aya limaan nyaeta Sri, Nanang, Lasmi, jeung Heri. Lulus ti SMA taun 1990 kuring jeung Sri mah neruskeun ka IKIP, Nanang mah ka UNDIP, ari Heri manehna mah milu test ka bintara terus ayeuna tugasna di Surabaya. Lasmi neruskeun di Jakarta ka sakola perawat, sedengkeun Komara harita teh milu UMPTN ka UNPAD ngan teu lulus, lain pedah teu mampuh nu puguh mah can keuna kana milikna lantaran di antara nu limaan Komara teh pangpinterna. Ti kelas hiji nepi ka lulusna kaasup siswa pinunjul. Ti harita kuring jeung ki sobat nu tilu teh ukur bisa silih suratan. Ari jeung Sri mah mindeng panggih lantaran sa-Fakultas ukur beda jurusan, kuring di Basa Sunda manehna di Basa Inggris.

Taun 1993 kuring, Sri, Nanang, Lasmi, jeung Komara ngayakeun reunian, tapi Heri mah teu bisa datang sabab katalian ku dines. Harita kuring kakara apal yen Komara teh diteruskeun di STAIN Cirebon malah nya harita pisan panggih jeung Nanih teh. Reuni di Palutungan kacida gumbirana silih tukeur pamanggih bari silih guar pangalaman, ti harita pleng bae teu aya beja teu aya carita ngeunaan Komara mah duka ka mana, surat-surat ti kuring oge tara dibales. Unggal kuring balik ka Kuningan beja ngeunaan Komara lebeng teu kapanggih. Panggih deui teh meureun ayeuna di terminal, tapi tangtungan Komara bet beda kacida. Papakean nu kucel pangaliwota jeung tato na awakna, bet jauh tina tangtungan Komara bentang kelas sobat kuring, harita hate kuring kebek ku rupaning panasaran ngan hanjakal poe geus reup-reupan.

"Aduh... tos sonten geuning Mar, sono...sono kacida Asih teh." cek kuring bari ngasongkeun leungeun ka manehna. Komara ukur neuteup kuring.
"Sih, ayeuna ka bumi Mimih?" tembalna, bari ngusapan buuk Si bungsu nu harita diuk gigireun kuring.
"Muhun... aya keneh angkot kitu, Mar?" walon kuring lantaran harita geus reup-reupan.
"Aya, ke urang megatna beh ditu bae, lantaran sok langsung tara ngetem heula mun tos sonten mah," Tembalna bari nunjuk ka beh wetan. Kuring nuturkeun Komara, teu lila jol angkot jurusan Pramuka.
"Hey..., geuning maneh Kom, jeung saha euy, asa karek panggih sayah mah... kenalkeun atuh, nu anyar...?" cek supir angkot bari ngareret ka kuring.
"Geus tong loba omong, barina oge tong sangeunahna nyarita teh, cicing teu apal mah bisi jadi pidorakaeun." tembal Komara bari semu nu kaeraan.

Kuring ukur seuri, tapi hate mah keukeuh kebek ku kapanasaran ningali polah Komara harita.

"Sih, sok geura naek tos magrib." cek Komara.

Kuring jeung Si Bungsu diuk di hareup, lantaran di tukang geus rada pinuh, jeungna deui meh tenang teu pasesedek.

"Rud, titipnya nepi ka pengkolan Sarmadi rek terus ka Sidapurna," tembal Komara bari seuri, song manehna ngasongkeun leungeun ka kuring, "Sih, tong dipikiran dus mah sugan aya milik engke dianteurkeun ku Komara," Cek manehna.
"Keun bae Mar, nuhun nya... mun aya waktu ka Sidapurna atuh apal keneh lain, ka bumi Mimih, sono hoyong ngobrol sakantenan sareng Nanih ajakan geura teu burung rame sigana teh" cek kuring.

Komara ukur mesem, paromanna semu nu alum, sareretan aya cimata nu nyalangkrung dina juru panonna, teu pati sidik lantaran manehna kaburu ngabalieur.

Geus kitu mah geleser angkot teh maju.

Hawa kota Kuningan mimiti karasa nyecep wantu harita geus magrib, najan kitu nyecepna kota Kuningan karasa seger beda jeung nyecepna kota Bandung nu geus beurateun ku haseup kandaraan.

"Punten Bu, tepang sareng Komara?" cek supir semu nu asa-asa.

Sakedapan kuring melong ka supir, kunaon bet tumanya kitu, "Muhun aya naon kitu, Kang?"

"Rerencangan atanapi calon...." cek supir, teu kebat.
"Calon..., calon naon Kang, abdi sareng Komara teh rerencangan nuju di SMA." walon teh, bari seuri.
"Oh, manawi teh calon istrina." tembal supir.
"Har, apanan Komara mah tos nikah sareng Nanih sakaterang abdi mah," kapanasaran kuring beuki nambahan.
"Eh..., manawi teh Ibu terang, apan Nanih mah parantos maot opat taun ka pengker, waktos aya kahuruan di Pasar Baru tea...."
"Ke...ke...ke...leres eta teh Kang, Innalillahiwainnaillaihi rojiun?" karewas, kasedih, kapanasaran nyelek na angen.
"Muhun Bu," tembal supir, bari ngalieuk ka kuring.
"Ke..., pami teu lepat mah kapungkur Komara teh damel di Pemda bagian naon nya hilap deui, tapi geuning tadi...." kuring teu kebat kalah ka melong supir.
"Muhun, nyaeta ti barang Nanih maot tea, Komara janten stres kenging sataun teu tiasa diajak nyariosna oge, damang-damang soteh saentos tatamba ka Jawa Timur, ka Pasantren naon lah...," cek supir, bangun nu apal pisan ka Komara teh.
"Sakedap, pami Akang rerencanganana?" cek kuring.
"Abdi mah tatanggana pisan, malah nya rerencangan nuju di SD mula." kitu cek Supir teh.

Leng, kuring ngahuleng rasa nu teu percaya pagaliwota jeung kanyataan anu tadi katingali jeung kadenge.

"Kang pami putrana sareng saha atuh, ayeuna?" cek kuring.
"Putra saha?" supir teh bet malik nanya.
"Muhun putra Komara?" Walon teh.
"Har..., apanan sami maot, harita teh Arif sareng Nanih nuju di kios waktos aya kahuruan tea, duanana teu kabujeng disalametkeun." tembal supir.

Ya Alloh kutan kitu carita hirup Komara.

***

Karang Pasundan V, Pebruari 2009

FREE MIDI INDONESIAN SONG

Kali ini saya akan membagikan beberapa koleksi midi dalam negeri, kategori pop, rock, jadul, dangdut dll. 

Namun sebelumnya mohon agar menjadi perhatian !!!! File midi boleh anda download dengan satu syarat !! bahwa semua isi konten didalamnya hanya untuk koleksi pribadi, "Dilarang Keras" mempergunakan untuk kepentingan Komersial.

Untuk Playernya (VanBasco's Player) bisa anda dapatkan disini

Yang mau download midinya silahkan 

Koleksi Midi Indonesia